१ सय ५ वर्षकी शिवमाया लिम्बूले बनाइन् राष्ट्रिय परिचय पत्र

लिम्बूले सदरमुकाम फिदिमस्थित जिल्ला प्रशासन कार्यालय पाॅचथरमा आएर राष्ट्रिय परिचय पत्रका बनाएकी हुन् । नागरिकता अनुसार लिम्बूको जन्म मिति १९७७ साल फागुन १४ गते हो । हिलिहाङ गाउॅपालिका ५ सुभाङदेखि २०५१ सालदेखि सामाजिक सुरक्षा भत्ता बुझ्दै आएकी थिइन ।

यसअघि सामाजिक सुरक्षा भत्ताका लाभग्राहिलाई राष्ट्रिय परिचय पत्र अनिवार्य गरिएको थिएन ।

गाडीबाट अढाइ घण्टा लगाएर बुहारीसँग सदरमुकाम आएकी थिइन् । यो वर्षदेखि सामाजिक सुरक्षा भत्ता सहित सरकारी कामकाजमा राष्ट्रिय परिचय पत्र अनिवार्य गरेकाले सदरमुकामसम्म आएर फोटो खिचाएको साथमै श्रीमाया स्रेङ (सुहाङ) ले बताइन् ।