विरामी मृत्युको ११ वर्षपछि नक्कली डाक्टरसहित तीन जना पक्राउ
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
खोटाङ — दिक्तेलको हलेसी पोलिक्लिनिकमा नक्कली डाक्टरले उपचार गर्दा विरामीको मृत्यु भएको घटनाको ११ वर्षपछि यसमा संलग्न भएको आरोपमा तीन जना पक्राउ परेका छन् ।
![](https://assets-cdn.ekantipur.com/uploads/source/ads/900x100-1172024092759.gif)
![विरामी मृत्युको ११ वर्षपछि नक्कली डाक्टरसहित तीन जना पक्राउ](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/arrest-1222024085147-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
२०६९ फागुन १७ गते दिक्तेल रुपाकोट मझुवागढी नगरपालिका–३ का ७२ वर्षीय चन्द्रसेन राईको उपचारको क्रममा भएपछि त्यसमा संलग्न सुनसरी गढी गाउँपालिका–३ मझौका ४१ वर्षीय जिवानन्द मेहता पक्राउ परेका हुन् ।
महतोलाई माघ २४ गते उनकै घरबाट पक्राउ गरी दिक्तेल ल्याएर तीन दिनको म्याद थप गरी अनुसन्धान सुरु गरिएको जिल्ला प्रहरी कार्यालय खोटाङका प्रवक्ता प्रहरी निरीक्षक बेनु कार्कीले सोमबार बताए । ‘मेहताले चीनबाट नक्कली सर्टिफिकेट ल्याएको भन्ने विषयमा अनुसन्धान सुरु गरिएको छ,’ कार्कीले भने–‘अनुसन्धानपछि सबै कुरा थाहा हुन्छ ।’
उक्त घटनामा संलग्न आरोपमा हलेसी पोलिक्लिनिकका सञ्चालक सप्तरी बोदेरबर्साइन नगरपालिका–२ बैरियाका ४२ वर्षीय अशोकुमार साह र सप्तरीकै छिन्नमस्ता गाउँपालिका–५ का ४२ वर्षीय महेशप्रसाद साहलाई पनि माघ २८ गते पक्राउ गरी तीनै दिनको म्याद थप गरी अनुसन्धान सुरु गरिएको कार्कीले सुनाए । चन्द्रसेनको मृत्युपछि उनकी श्रीमती देवीसरा राईले २०६९ चैत १४ गते दिएको किटानी जाहेरीको आधारमा उनीहरुलाई पक्राउ गरी कर्तव्य ज्यान केसमा मुद्दा दर्ता गरी अनुसन्धान सुरु गरिएको कार्कीले बताए ।
![](https://assets-cdn.ekantipur.com/uploads/source/ads/900-x-100-0172024023126.gif)