मुस्लिम संघ सुनसरीको अधिवेशन विवादित, जिल्लालाई 'बाइपास' गरेको आरोप 

प्रदेश समितिको अगुवाइमा अधिवेशन बोलाइएको प्रति रोष प्रकट गर्दै आजादले जिल्ला समितिलाई 'बाइपास' गरी गर्न खोजिएको अधिवेशन विधानविपरीत र औचित्यविहीन भएको बताए ।

उनले प्रदेश सांसद तथा कोशी प्रदेशका मुस्लिम संघ सभापति इसराइल मन्सुरीले राजनैतिक प्रतिशोध साँधेर जबर्जस्ती कार्यक्रम आयोजना गर्न खोजेको आरोपसमेत लगाए ।

सहमतिमा कार्यक्रम गर्ने तयारीका बाबजुद एकलौटी गर्न खोजिएको भन्दै प्रदेश सांसद मन्सुरीलाई जिल्ला प्रतिनिधि स्वीकार्य हुन नसक्ने उनले बताए ।

दलीय भागबन्डा र कोटाले कांग्रेस दलदलमा फस्दै गएको बताएका आजादले जबर्जस्ती कार्यक्रम गरिए त्यसले पार्टी संगठनमै आँच पुर्‍याउनेतर्फ सचेत रहन केन्द्र र जिल्ला नेतृत्वको ध्यानाकर्षण गराए । नेपाल मुस्लिम संघ कांग्रेसको भ्रातृ संस्था हो । जसको जिल्ला अधिवेशन बुधबारलाई बोलाइएको छ ।

कार्यक्रममा पार्टीका केन्द्रीय सहमहामन्त्री फरमुल्लाह मन्सुरलाई प्रमुख अतिथिका रुपमा बोलाइएको छ ।