गौतमबुद्ध विमानस्थलको 'ग्राउन्ड ह्यान्डलिङ' निजी कम्पनीलाई पनि दिन सकिन्छ : मन्त्री तामाङ
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — संस्कृति, पर्यटन तथा नागरिक उड्यनमन्त्री हितबहादुर तामाङले भैरहवास्थित गौतमबुद्ध अन्तर्राष्ट्रिय विमानस्थलको भूमिस्थ प्रबन्ध (ग्राउन्ड ह्यान्डलिङ) सेवा सञ्चालन निजी वायुसेवा कम्पनीहरूलाई पनि दिन सकिने बताएका छन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![गौतमबुद्ध विमानस्थलको 'ग्राउन्ड ह्यान्डलिङ' निजी कम्पनीलाई पनि दिन सकिन्छ : मन्त्री तामाङ](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/hit-bdr-0862024015126-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
अठोट नेपाल र उद्योग वाणिज्य महासंघ वाग्मती प्रदेशको पर्यटन विकास समितिको संयुक्त आयोजनामा शनिबार आयोजित दोस्रो राष्ट्रिय पर्यटन सम्मेलन तथा फोटो प्रतियोगिता, २०२४ को उद्घाटन गर्दै मन्त्री तामाङले उक्त कुरा बताएका हुन् ।
'हाल गौतमबुद्ध अन्तर्राष्ट्रिय विमानस्थलको ग्राउन्ड ह्यान्डलिङ नेपाल वायु सेवा निगमले गरिरहेको छ तर अन्तर्राष्ट्रिय उडानको मान्यता पाएका निजी विमान कम्पनीले यस विमानस्थललाई आधार बनाएर नियमित उडान सुरु गरेमा त्यो जिम्मेवारी दिन सकिन्छ,' उनले भने ।
यसका लागि नागरिक उड्ययन प्राधिकरण विमानस्थल सेवा शुल्क नियमावली २०७८ को नियम ५ दशमलव २ बमोजिम प्रक्रिया सुरु गर्न प्राधिकरण व्यवस्थापनलाई स्वीकृति प्रदान गरिएको पनि मन्त्री तामाङले बताए ।
यसरी निजी विमान कम्पनीलाई पनि प्रतिस्पर्धा गराएर सेवा सुरु गर्दा गौतमबुद्ध अन्तर्राष्ट्रिय विमानस्थलमा सोझै अन्तर्राष्ट्रिय उडान बढाउन सकिने मन्त्री तामाङले बताए ।
पर्यटन क्षेत्रमा देखिएको समस्या समाधान गर्न राज्यले नीतिगत सुधार गर्नु पर्ने, व्यवसायीहरूलाई उत्साहित बनाउनुपर्ने आवश्यकता रहेको भन्दै मन्त्री तामाङले अब यसमा सरकारले काम गरिरहेको बताए ।
प्रकाशित : जेष्ठ २६, २०८१ १७:३८