नक्कली सुन देखाई ठगी गर्ने ५ जना पक्राउ
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — प्रहरीले नक्कली सुन देखाई ठगी गरेको अभियोगमा ५ जनालाई पक्राउ गरेको छ । पक्राउ पर्नेहरूमा सिन्धुपाल्चोक बाह्रविसे घर भई भक्तपुर बोडे बस्ने छुल्टीम लामा, राजेन्द्र तामाङ, चिनबहादुर लामा, जितबहादुर तामाङ र काठमाडौं मूलपानी बस्ने दावा दुण्डुप तामाङ रहेका छन् ।
![](https://assets-cdn.ekantipur.com/uploads/source/ads/comp-900x100-1672024010950.gif)
प्रहरीका अनुसार उनीहरुले रामेछापघर भई भक्तपुर मध्यपुर ठिमी बस्ने २४ वर्षीय एक महिलालाई १ केजी सुन भएको र लगानी गरेर नाफा कमाउने भनी प्रलोभनमा पारी ७ लाख ७५ हजार रूपैयाँ ठगी गरेको हो । उनीहरुलाई काठमाडौं उपत्यका अपराध अनुसन्धान कार्यालय भक्तपुर शाखा र प्रहरी परिसर भक्तपुरबाट खटिएको टोलीले भक्तपुर बोडेबाट पक्राउ गरेको हो ।
प्रहरीले छुल्टीमको साथबाट १ लाख २२ हजार, राजेन्द्रको साथबाट १४ हजार, चिनबहादुरको साथबाट ८६ हजार ५ सय, जितबहादुरको साथबाट ७४ हजार रूपैयाँ पनि बरामद भएको जनाएको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)