‘होरिअन बीटूबी समिट' शुक्रबारदेखि

महासंघले काठमाडौंको एभरेस्ट होटलमा आयोजना गर्न लागेको उक्त समिट सूचना, सञ्चार र प्रविधि (आईसीटी) विकासका लागि केन्द्रित रहने जनाएको छ ।

समिटमा डिजिटल रुपान्तरण, दीगोपन, उदाउँदो बजार र आर्टिफिसियल इन्टेलिजेन्सबारे छलफल हुनेछ । यो समिटले नेपालका लागि विभिन्न कम्पनीका आधिकारिक डिलर र बिक्रेताबीच व्यापारको प्रवद्र्धन हुने महासंघका अध्यक्ष रणजीत पोदारले जानकारी दिए । उनले भने, ‘यो सम्मेलनले नेपालको आईसीटी क्षेत्रका चुनौती र अवसरलाई सम्बोधन गर्ने विश्वास लिएको छु ।’

समिटमा व्यवसायी, कर्पाेरेट हाउस, नवीनतम प्रविधिको प्रदर्शनी, बैंकिङ र विकास फिनटेक लगायत क्षेत्रका सय प्रतिनिधिहरुको सहभागिता रहने आयोजक क्यान महासंघले जनाएको छ ।