क्याथेले उत्कृष्ट एजेन्सीलाई पुरस्कृत गर्यो
काठमाडौँ — हङकङ–काठमाडौं सातामा ५ वटा उडान गर्दै आइरहेको क्याथे प्यासिफिक एयरलायन्सले नेपालमा रहेका आफ्ना उत्कृष्ट ट्राभल तथा कार्गो व्यवसायीहरुलाई बिहीबार राजधानीमा ‘विङ्स अफ एक्सिलेन्स’ अवार्ड कार्यक्रममार्फत पुरस्कृत गरेको छ ।
सन् २०२३ मा हवाई टिकटतर्फ उत्कृष्ट कारोबार गरेर पुरस्कृत हुनेमा ओशो वर्ल्ड ट्राभल नेपाल, समेघ टुर्स एण्ड ट्राभल्स, बोन ट्राभल एण्ड टुर्स प्रालि, रुपाकोट इन्टरनेश्नल ट्राभल प्रालि, सेभेन स्टार ट्राभल र प्रभास ट्राभल एण्ड टुर्स प्रालि रहेका छन् ।
त्यस्तै कार्गो व्यवसायतर्फ पायोनियर कार्गो, हिमालयन ट्राभल एण्ड टुर्स प्रालि, साँग्रिला इन्टरनेश्नल फ्रेट प्रालि, लिजेन्ड कार्गो प्रालि र मुक्तिनाथ डे कार्गो प्रालि रहेका छन् ।
सम्मान तथा पुरस्कार वितरण कार्यक्रममा क्याथेका क्षेत्रीय महाप्रबन्धक राकेश रायकार, क्षेत्रीय प्रमुख आनन्द येडेरी, कार्गोतर्फका क्षेत्रिय प्रमुख राजेश राई, कन्ट्री लिड नेपाल जुनु मलेकु लगायतको उपस्थिति रहेको विज्ञप्तिमा उल्लेख गरिएको छ ।