२१.१२°C काठमाडौं
मण्डलामा 'अन्धवेग' मञ्चन हुँदै
काठमाडौँ — मण्डलामा नयाँ नाटक मञ्चन हुँदैछ । रंगकर्मी प्रवीण खतिवडाको निर्देशनमा 'अन्धवेग' मञ्चनमा आउने भएको हो । बालकृष्ण समको नाटक 'अन्धवेग'लाई खतिवडाले नै परिकल्पना गरेका हुन् ।
नाटक फागुन १८ बाट चैत १८ सम्म मञ्चन हुनेछ । नाटकमा अनुप न्यौपाने, सुवास तिमल्सिना, सुन्दर धिताल, सन्देश कार्की, प्रमिला खनाललगायतको अभिनय छ । यसअघि मण्डलामा नाटक 'मासिन्या' मञ्चनमा आएको थियो । 'अन्धवेग'सँगै मण्डलाको योजनाअनुसार अन्य ६ नाटक पनि लगातार मञ्चन हुँदै जानेछ ।
सन् २०२४-२०२५ मा नाटक गर्ने निर्देशकमा प्रवीणसँगै नाजिर हुसेन, पशुपति राई, किरण चाम्लिङ, अनुप बराल, अनिल सुब्बा र केदार श्रेष्ठ छानिएका थिए ।
प्रकाशित : फाल्गुन १७, २०८० १७:३४प्रतिक्रिया
