'साम्बाला' हेर्न नेपाल आउँदै अनुराग र नवाजुद्दिन

फिल्मको नेपाल प्रिमियर भदौ २३ मा हुने जनाइएको छ । यसअघि निर्देशक भामसँग बर्लिन फिल्म फेस्टिभलमा नवाजुद्दिनसँग भेट भएको थियो । नवाजुद्दिनले त्यतिबेलै 'साम्बाला' हेर्न चाहेका थिए ।

'त्यतिबेला निर्देशक भाम र नवाजुद्दिनबीच सँगै काम गर्ने कुरा पनि भएको थियो । प्रिमियरमा नवाजुद्दिन र निर्देशक कश्यप विशेष अतिथिका रुपमा सहभागी हुनेछन्,'मिन्सोले भने ।

बर्लिनको प्रमुख प्रतिस्पर्धातर्फ छनौट हुने पहिलो फिल्मको इतिहास रचेको 'साम्बाला' नेपालमा भने भदौ २८ देखि प्रदर्शनमा आउँदैछ ।

यो फिल्मकी प्रमुख अभिनेत्री थिन्ले ल्हामोले हालै लोकार्नो फिल्म फेस्टिभलमा उत्कृष्ट अभिनयका लागि 'बोक्कालिनो डिओर' अवार्ड पाएकी थिइन् ।