सुनको मूल्यमा सामान्य गिरावट

जेष्ठ ५, २०८१कान्तिपुर संवाददाता

काठमाडौँ — स्थानीय बजारमा पहेंलो धातुको मूल्यमा सामान्य गिरावट आएको छ । बिहीबार हालसम्मकै उच्च बिन्दुमा पुगेको सुनको मूल्य शुक्रबार सामान्य घटेको हो ।

नेपाल सुनचाँदी व्यवसायी महासंघका अनुसार, छापावाल सुन बिहीबार प्रतितोला एक लाख ४० हजार रुपैयाँमा कारोबार भएकामा शुक्रबारका लागि एक लाख ३९ हजार तीन सय रुपैयाँ निर्धारण गरिएको थियो । यस्तै तेजाबी सुन बिहीबार तोलामा एक लाख ३९ हजार तीन सय रुपैयाँमा कारोबार भएकामा शुक्रबार एक लाख ३८ हजार छ सय ५० रुपैयाँ तय भएको थियो ।

चाँदीको मूल्य पनि तोलामा पाँच रुपैयाँले घटेको छ । बिहीबार तोलामा एक हजार आठ सय पाँच रुपैयाँमा कारोबार भएको चाँदीको भने एक हजार आठ सय रुपैयाँ निर्धारण भएको छ ।