इटाली चिनियाँ बीआरआई परियोजनामा सहभागी नहुने
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — इटाली चीनको महत्त्वाकांक्षी परियोजना बेल्ट एन्ड रोड इनिसियटिभ (बीआरआई) मा सहभागी नहुने भएको छ । प्रधानमन्त्री जोर्जा मलोनी प्रशासनले चीनलाई बीआरआई परियोजनामा सहभागी नहुने जानकारी गराएको हो । बीआरआई परियोजनामा सहभागी हुने समयसीमा समाप्त हुनुअघि नै इटालीले हात झिकेको हो ।
![](https://assets-cdn.ekantipur.com/uploads/source/ads/900x100-1172024092759.gif)
![इटाली चिनियाँ बीआरआई परियोजनामा सहभागी नहुने](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/china-great-hall-07122023050603-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
व्यापार र भौतिक पूर्वाधारमा केन्द्रित भएर इटालीले बीआरआईमा सहभागी हुने सम्झौता गरेको थियो । इटाली परियोजनामा सहभागी हुने एक मात्र जी-७ देश हो । इटालीले सन् २०१९ मा बीआरआईमा सहभागी हुने सम्झौता गरेको थियो । सम्झौताको अमेरिकालगायतका मुलुकले त्यतिबेला नै आलोचना गरेका थिए ।
सन् २०१३ मा चिनियाँ राष्ट्रपति सी चिनफिङले घोषणा गरेको बीआरआई परियोजनाअन्तर्गत एसिया र युरोपमा गरी १ ट्रिलियन अमेरिकी डलर लगानी हुने जनाइएको थियझ । परियोजनाअन्तर्गत चीन र युरोपलाई जोड्न विद्यमान रेलमार्ग सुधार तथा नयाँ योजना सुरु गर्ने पनि बताइएको थियो ।
सन् २०१९ मा राष्ट्रपति सीले इटालीमा २० बिलियन युरो लगानी गर्ने बताए पनि त्यसको सानो हिस्सा मात्र लगानी भएको बीबीसीले जनाएको छ । त्यस्तै सन् २०१९ मा १३ बिलियनबराबरको विभिन्न सामान चीन निर्यात गरेको इटालीले गत वर्ष केही बढी १६.४ बिलियन युरोबराबरको निर्यात गरेको छ । अर्कोतर्फ आयात भने बढिरहेको छ । सोही अवधिमा चीनबाट आयात भने ३१.७ बिलियन युरोबाट ५७.५ बिलियन युरो पुगेको छ ।
![](https://assets-cdn.ekantipur.com/uploads/source/ads/900-x-100-0172024023126.gif)