गेटवे र पिस प्वाइन्ट फाइनल भिड्ने

सानो गौचरण मैदानमा मंगलबार पहिलो सेमिफाइनलमा गेटवेले एकलव्यलाई टाइब्रेकरमा ४–३ गोलले पराजित गर्‍यो । निर्धारित समयमा दुवैले गोलरहित बराबरी खेले । गेटवेका लक्ष्मण उप्रेती म्यान अफ द म्याच भए ।

उपाधिमा दोहोरो ह्याट्रिक गर्ने अभियानमा रहेको पिस प्वाइन्टले अर्को सेमिफाइनलमा मनकामनालाई ३–१ ले हरायो । पााचै संस्करण जितेको पिस प्वाइन्टका लागि राहुल लामाले २ र पवन बुढाथोकीले १ गोल गरे । मनकामनाका मानव लामाले १ गोल फर्काए । पिस प्वाइन्टका नितेश मोक्तान म्यान अफ द म्याच चुनिए । फाइनल बुधबार हुनेछ । तेस्रो स्थानको खेल हुनेछ । शीर्ष तीन स्थान हात पार्नेले क्रमशः ३० हजार, २० हजार र १० हजार रुपैयाँ पुरस्कार हात पार्नेछन् ।