इजरायल र हमास युद्धविराम लम्ब्याउन सकारात्मक
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — हमासले चार दिनका लागि गरिएको अस्थायी युद्धविराम सकिनै लाग्दा यसलाई लम्ब्याउन आफू तयार रहेको बताएको छ । इजरायलका प्रधानमन्त्री बेन्जामिन नेतान्याहूले भने हमासले थप बन्धकहरूलाई रिहा गर्ने भए युद्धविरामलाई लम्ब्याउन सकिने प्रतिक्रिया दिएका छन् ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![इजरायल र हमास युद्धविराम लम्ब्याउन सकारात्मक](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/isrealhamastruce-27112023015101-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
इजरायल-हमास सम्झौता अन्तर्गत शुक्रबारबाट सुरु भएको युद्धविरामको आज अन्तिम दिन हो । इजरायली अधिकारीहरूका अनुसार हमास र अन्य लडाकु समूहका बन्दुकधारीहरूले दक्षिणी इजरायलमा घातक हमला गर्दा करिब १ हजार २०० व्यक्तिको मृत्यु हुनुका साथै अन्य २ सय ४० जनालाई बन्धक बनाएको अक्टोबर ७ यता गाजा पट्टीमा यो सबैभन्दा लामो युद्ध हो।
इजरायलले हमासले रिहा गर्ने हरेक १० बन्धकका लागि एक दिन युद्धविराम लम्ब्याउने यसअघि नै बताइसकेको छ । गाजा क्षेत्र नियन्त्रण गर्ने हमासले इजरायलको यस प्रस्तावबारे आफ्नो धारणा सार्वजनिक गरेको थिएन ।
हालसम्म हमासले सम्झौता अन्तर्गत ३९ इजरायली बन्धकहरुलाई रिहा गरिसकेको छ भने इजरायलले ११७ प्यालेस्टिनी बन्दीहरुलाई रिहा गरेको छ । गाजाका अन्य १९ बन्धकहरू- १७ थाई, एक फिलिपिनो र एक रुसी-इजरायली दोहोरो नागरिकलाई पनि हमासले शुक्रबार यता रिहा गरिसकेको छ। नेपालका विपिन जोशी भने अझै पनि हमासकै नियन्त्रणमा छन् ।
इजरायली प्रधानमन्त्रीको कार्यालयले सम्झौताको तेस्रो दिन हमासले बन्धकहरूलाई रिहा गरेको पुष्टि गरेको केही घण्टापछि हमासले लामो युद्धविरामका लागि तयार रहेको बताएको हो । युद्धविराम लम्ब्याउने हमासको विचारमा इजरायल खुला रहेको संकेत स्वरूप नेतन्याहूले एक भिडियो वक्तव्य जारी गरेर थप १० बन्धकहरूको रिहाइको बदलामा एक दिनका लागि युद्धविराम लम्ब्याउने सर्त अगाडि राखेका हुन् ।
![](https://assets-cdn.ekantipur.com/uploads/source/ads/900-x-100-1-0282024055738.gif)