बंगलादेशी क्रिकेट कप्तान शाकिब अल हसन संसदीय चुनाव लड्दै
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — बंगलादेशी क्रिकेट टिमका कप्तान शाकिब अल हसनले संसदीय चुनाव लड्ने भएका छन् । बंगलादेशको सत्तारुढ दल अवामी लिगले उनलाई सांसदमा उठाउने भएको हो ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![बंगलादेशी क्रिकेट कप्तान शाकिब अल हसन संसदीय चुनाव लड्दै](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/shakib-27112023042655-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
ढाका ट्रिब्युनका अनुसार अवामी लिगले शाकिबलाई उनकै गृहनगर मगुरा-१ क्षेत्रबाट सांसदमा उठाउने निर्णय गरेको छ । आइतबार पार्टी महासचिव ओबैदुल कादेरले एक पत्रकार सम्मेलनमा उम्मेदवारहरूको सूची सार्वजनिक गरेका हुन् । यसअघि बंगलादेशका पूर्वकप्तान मशरेफे मुर्तजा पनि गत चुनावमा सांसदमा निर्वाचित भएका थिए ।
बंगलादेशी कप्तान शाकिब औंलाको चोटका कारण उपचार गरिरहेका छन् । चुनावमा उम्मेदवार बन्ने भएकाले उनी पुन: मैदानमा खेलाडीका रूपमा देखिने छन् वा छैनन् भन्ने स्पष्ट बताएका छैनन् ।
बंगलादेशमा आगामी जनवरी ७ मा देशको १२ औं संसदीय निर्वाचन हुँदै छ । बंगलादेश अवामी लिगकी अध्यक्षसमेत रहेकी शेख हसिना १५ वर्षदेखि बंगलादेशको सरकारको नेतृत्व गरिरहेकी छिन् । उनलाई प्रतिपक्षी दलमाथि धरपकड गरेको तानाशाही सरकार चलाएको समेत आरोप लाग्दै आएको छ । हसिनाको मुख्य प्रतिद्वन्द्वीका रूपमा रहेकी र दुई पटक प्रधानमन्त्री बेगम खालिदा जियालाई नजरबन्दमा राखिएको छ ।
बीएनपीले २०१४ को चुनाव बहिष्कार गरे पनि २०१८ मा भने सहभागी भएको थियो । मुख्य प्रतिपक्षी दल बंग्लादेश राष्ट्रिय दल(बीएनपी) ले हसिनाले राजीनामा नदिए चुनावमा सहभागी नहुनेसमेत चेतावनी दिएको छ । बीएनपीका शीर्ष नेता कि त जेलमा छन् कि त निर्वासनमा । इस्लामिक आन्दोलन बंग्लादेश(आईएबी) ले पनि चुनाव बहिष्कार गर्न सक्ने चेतावनी दिँदै आएको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)