ट्रम्पले भने- 'मंगलबार मलाई पक्राउ गर्न सक्छन्'
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — अमेरिकाका पूर्वराष्ट्रपति डोनाल्ड ट्रम्पले मंगलबार आफूलाई पक्राउ गर्नसक्ने बताएका छन् । सामाजिक सञ्जालमा पोस्ट गर्दै ट्रम्पले सो कुरा बताएका हुन् । न्युयोर्कका अभियोजनकर्ताले ट्रम्पले यौन सम्बन्ध रहेका भनिएका महिलाहरुलाई बोल्नबाट रोक्नका लागि दिएको रकमको छानबिन सुरु गरेका छन् ।
![](https://assets-cdn.ekantipur.com/uploads/source/ads/900x100-1172024092759.gif)
![ट्रम्पले भने- 'मंगलबार मलाई पक्राउ गर्न सक्छन्'](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/trump-1832023110206-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
मेनहटन जिल्ला सरकारी वकिलको कार्यालयले उनीमाथि यस विषयमा अनुसन्धान गर्दै आएको छ ।
'रिपब्लिकन पार्टीका उम्मेदवारहरूको प्रतिस्पर्धामा अग्रपंक्तिमा रहेका तथा अमेरिकी पूर्वराष्ट्रपतिलाई आगामी साताको मंगलबार पक्राउ पर्न सक्छन,' ट्रम्पले सामाजिक सञ्जालमा लेखेका छन् ।
अमेरिकी सञ्चार माध्यमहरुले भने यस विषयमा जिल्ला वकिलको कार्यालयले केही प्रतिक्रिया नजनाएको उल्लेख गरेका छन् । त्यसैगरी ट्रम्प र उनका प्रतिनिधिले पनि यस विषयमा थप जानकारी दिएका छैनन् ।
ट्रम्पले आफ्ना समर्थकहरूलाई मंगलबार प्रदर्शन गर्न आह्वान गरेका छन् ।
![](https://assets-cdn.ekantipur.com/uploads/source/ads/900-x-100-0172024023126.gif)