बिटल्सको अमेरिका यात्रा

त्यसको दुई दिनपछि बिटल्सले अमेरिकामा सार्वजनिक प्रस्तुति दिएको हो । त्यतिबेला ब्यान्डका सदस्यहरू जोन लेनन र रिंगो स्टार दुवै जना २३ वर्षका, पल म्याककार्टनी २१ र जर्ज ह्यारिसन २० वर्षका थिए । लोकप्रिय टेलिभिजन शो ‘एड सुलिभान शो’ मार्फत प्रसारित उनीहरूले प्रस्तुति अमेरिकाको करिब ४० प्रतिशत अर्थात् ७३ करोड अमेरिकीले हेरेको अनुमान गरिएको थियो ।

बिटल्सले त्यसपछि फेब्रुअरी ११ मा वासिङ्टनमा कार्यक्रम गरेको थियो । उक्त प्रस्तुति २० हजार जनाले प्रत्यक्ष रूपमा हेरेका थिए । त्यसको अर्को दिन न्युयोर्कमा दुईवटा प्रस्तुति दिएको बिटल्स फेब्रुअरी २२ मा स्वदेश फर्केको थियो । सन् १९६० मा बेलायतको लिभरपुलबाट सुरु भएको बिटल्सले ४ वर्षभित्रै अभूतपूर्व अन्तर्राष्ट्रिय सफलता हासिल गरिसकेको थियो । ब्यान्डका ‘रबर सोल’, ‘रिभल्भर’, ‘क्लब ब्यान्ड’, ‘द बिटल्स’ लगायतका एल्बम निकै लोकप्रिय बनेका थिए । विश्वभर बिटल्सका ६० करोडभन्दा बढी एल्बमहरू बिक्री भएको जनाइएको छ ।

१९६४ मा ब्यान्डले ‘अ हार्ड डेज नाइट’ फिल्ममा डेब्युसमेत गरेको थियो । त्यसको ६ वर्षपछि ब्यान्ड टुक्रिएको थियो । ब्यान्डका सदस्य लेननको १९८० मा हत्या भएको थियो । ह्यारिनको भने क्यान्सरका कारण २००१ मा मृत्यु भएको हो । ८० वर्षीय म्याककार्टनी र ८२ वर्षीय स्टार भने अझै पनि सांगीतिक क्षेत्रमा क्रियाशील छन् ।