२८.१२°C काठमाडौं
काठमाडौंमा वायुको गुणस्तर: १९२

माघ २५ देखि क्यान इन्फोटेक मेला

काठमाडौँ — यही माघ २५ गतेदेखि काठमाडौंमा क्यान इन्फोटेक-२०२४ सञ्चालन हुने भएको छ ।

माघ २५ देखि क्यान इन्फोटेक मेला

कम्प्युटर एसोसिएसन नेपाल महासंघ (क्यान महासंघ) ले बिहीबार पत्रकार सम्मेलन गरेर क्यान इन्फोटेक मेलाबारे जानकारी गराएको हो । क्यान महासंघका महासचिव चिरञ्जीवी अधिकारीले मेलाको तयारी अन्तिम चरणमा पुगेको जनाए । उनले सूचना तथा सञ्चार प्रविधि क्षेत्रमा विकास भएका नयाँ-नयाँ प्रविधिको प्रदर्शनी तथा यस क्षेत्रको विकासका लागि आवश्यक रणनीति निर्माणका निम्ति सार्थक अन्तरक्रिया गर्ने उद्देश्यले मेला गर्न लागिएको बताए ।

माघ २५ गतेबाट भृकुटीमण्डपस्थित प्रदर्शनी हलमा हुने क्यान इन्फोटेक मेलाको यो २९ औं संस्करण हो । उनले यस पटक क्यान इन्फोटेकको टिकेटिङ पार्टनर ईसेवामार्फत इन्फोटेकको टिकेट खरिद गर्न सकिने व्यवस्था गरेको र यस अन्तर्गत सर्वसाधारणका लागि १०० र विद्यार्थीका लागि ५० रुपैयाँ शुल्क तोकिएको बताए ।

उनले क्यान इन्फोटेकमा नेपालमै विकास गरिएको जेनेरेटिभ एआई सिस्टम कान्छी रोबर्टको बेटा संस्करण सार्वजनिक हुने जानकारी दिए ।

प्रकाशित : माघ १८, २०८० १६:४३
प्रतिक्रिया
पठाउनुहोस्
जनताको राय

राजनीतिक दलमा आबद्ध शिक्षकहरूलाई पदबाट हटाउने शिक्षा मन्त्रालयको निर्णय कस्तो लाग्यो ?