युरो २०२४ : जर्मनी अन्तिम आठमा, इटाली बाहिरियो

काइ हाभर्टेजले पेनाल्टीबाट ५३ औं मिनेटमा पहिलो गोल गरेपछि जमल मुसियालाले ६८ औं मिनेटमा दोस्रो गोल थपे । पहिलो हाफको अन्त्यतिर आँधीले गर्दा खेल २० मिनेट भन्दा बढी रोकिएको थियो । त्यसक्रममा मैदानमा पानी जम्मा हुने गरेर वर्षा पनि भएको थियो । यो जितपछि जर्मनीले उपाधिमा प्रस्तुत गरेको आफ्नो दाबेदारी अझ बलियो बनेको छ ।

अर्को खेलमा भने स्विजरल्यान्डले इटालीलाई २–० ले स्तब्ध पारेको छ । प्रभावशाली खेल प्रदर्शन गर्ने क्रममा स्विस टिमका लागि रेमो फ्रेउलरले ३७ औं मिनेटमा गोलको खाता खोले । पहिलो हाफ सुरु भएलगत्तै रुबेन भारगासले दोस्रो गोल थपे । लिग चरणमा प्रभावशाली खेल प्रदर्शन गर्न असफल इटालीले यस हारपछि प्रतियोगिताबाट नमिठो बिदाइ लिएको छ ।