बुद्धिचालमा पुरुषोत्तम र कृतिसराको अग्रता
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — नेपाल बुद्धिचाल महासंघको आयोजनामा २४ औं खुला तथा नवौं महिला राष्ट्रिय ‘बी’ चेस च्याम्पियनसिप छनोटको सोमबार तेस्रो चरणको खेल सकिएको छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![बुद्धिचालमा पुरुषोत्तम र कृतिसराको अग्रता](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/img20240520091337-2052024041511-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
राष्ट्रिय ‘बी’ चेस छनोटमा ६० पुरुष खेलाडी र १८ महिला राष्ट्रिय प्रतिस्पर्धामा छन् । भक्तपुर जिल्ला बुद्धिचाल संघको सहआयोजनामा सूर्य विनायकमा सञ्चालित राष्ट्रिय ‘बी’ छनोटबाट दुवै समूहका ९–९ खेलाडी जेठ १९ देखि काठमाडौंमा हुने राष्ट्रिय प्रतियोगितालाई छनोट हुनेछन् ।
तेस्रो चरणपछि यू–१५ राष्ट्रिय च्याम्पियन पुरुषोत्तम सिलवाल, पूर्वनेपाल च्याम्पियन केशव श्रेष्ठ र उदीयमान खेलाडी सीएम मिलन लामा ३–३ अंक जोडेर अगाडि छन् ।
पुरुषोत्तमले जनकराज जोशी, नवीन तण्डुकार र राजन सुवेदीलाई हराए । सीएम केशवले आशानारायण लवट, सुदीप तामाङ र सोम आलेमाथि जित पाए भने सीएम मिलनले अभिक शाह, गणेश दुवाल र सजिन महर्जनलाई पन्छाए ।
सूर्य विनायक नगरपालिकाको प्रायोजन रहेको राष्ट्रिय ‘बी’ छनोटतर्फ एआईएम सुश्रुत दाहाल, प्रेमकृष्ण महर्जन, सीएम पुरुषोत्तम चौलागाईं, राजीव कार्की, आशिष फुँयाल, निकेन कुसाथा, सीएम कृष्ण थापा र प्रकाशचन्द्र नेपाल २ जित र एक बराबर नतिजासहित २.५ अंक लिएर संयुक्त दोस्रो स्थानमा छन् ।
महिलातर्फ कोशी प्रदेश च्याम्पियन कृतिसरा अधिकारी र पोखराकी पूजा भण्डारी शतप्रतिशत जित निकाल्दै ३–३ अंकसहित अग्रस्थानमा छन् । कृतिसराले नमन सेढाईं, लक्ष्मी कँडेल र सिन्दिरा जोशीलाई हराइन् भने पूजाले एन्जेल महर्जन, पुनम प्रसाईं र विनिता कपालीमाथि जित पाइन् ।
काठमाडौंकी उदीयमान रिया श्रेष्ठले २.५ अंक बटुलिन् । पूर्वनेपाल च्याम्पियन सिन्दिरा जोशी, झापाकी पुनम प्रसाईं, विनिता कपाली, भक्तपुरकी प्राश्ना किबानायोले २ अंक जोड्दा रूपन्देहीकी नमन सेढाई १.५ अंक लिएर राष्ट्रिय प्रतियोगिताको छनोट हुनेक्रममा छन् ।
प्रतियोगिताको संयोजक एवं अन्तर्राष्ट्रिय निर्णायक निरञ्जन प्रजापतिका अनुसार पुरुषतर्फ ९ चरण र महिलातर्फ ७ चरणमा प्रतिस्पर्धा हुनेछ ।
![](https://assets-cdn.ekantipur.com/uploads/source/ads/900-x-100-1-0282024055738.gif)