विकेश र कृपालाई कान्तिपुर हाफ म्याराथनको कर्पोरेट उपाधि
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — विकेश घिमिरे र कृपा अधिकारीले कान्तिपुर हाफ म्याराथनको कर्पोरेट रन जितेका छन् । कान्तिपुर पब्लिकेशन लिमिटेडको आयोजनामा ग्लोबल आईएमई बैंकको प्रस्तुति रहेको कान्तिपुर हाफ म्याराथनको कर्पोरेटमा विकेश र कृपा क्रमशः पुरुष र महिलातर्फ विजेता बनेका हुन् ।
![](https://assets-cdn.ekantipur.com/uploads/source/ads/900x100-1172024092759.gif)
![विकेश र कृपालाई कान्तिपुर हाफ म्याराथनको कर्पोरेट उपाधि](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/sports/corporate-1852024052441-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
सेन्ट्रल बिजेनस पार्कबाट सुरु भएको ५ किलोमिटर कर्पोरेट रेस थापाथली, माइतीघर मण्डल, बानेश्वर, सिभिल हस्पिटल अगाडिबाट घुम्ती लगाएर पुनः बानेश्वर, माइतीघर मण्डल, थापाथली हुँदै सेन्ट्रल बिजनेस पार्कमा गएर टुंगिएको थियो । विकेशले १७ मिनेट १५.४ सेकेन्डको समय निकाले ।
अनिल थापा १८ मिनेट ३७.९ सेकेन्डका साथ दोस्रो, मदन सिंह भाट १८ मिनेट ५९.७ सेकेन्डका साथ तेस्रो, उपेन्द्र कठायत २० मिनेट २२.२ सेकेन्डका साथ चौथो र विद्यामान महतरा २० मिनेट २८.२ सेकेन्डका साथ पाँचौं भए ।
त्रिभुवन आर्मी भलिबल टिमकी कप्तान कृपाले २३ मिनेट २५.७ सेकेन्डका साथ कर्पोरेट रनमा विजेता बनेकी हुन् । विनिता महर्जन २५ मिनेट १०.७ सेकेन्डका साथ दोस्रो, सीता रिमाल २६ मिनेट ०४.६ सेकेन्डका साथ तेस्रो, लदिन प्रधान २६ मिनेट २१.६ सेकेन्डका साथ चौथो भए ।
कर्पोरेट रन र कलेज रनको महिला र पुरुषतर्फ शीर्ष ३ मा रहनेले विभिन्न पुरस्कार र गिफ्ट ह्याम्पर पाउनेछन् ।
![](https://assets-cdn.ekantipur.com/uploads/source/ads/900-x-100-0172024023126.gif)