नेपाली क्रिकेट टोलीको नयाँ जर्सी सार्वजनिक

दोस्रो पटक ट्वान्टी–२० विश्वकप खेल्न लागेको नेपालको जर्सी केल्मीले तयार गरेको हो । अमेरिका र वेस्ट इन्डिजमा जुन ४ देखि विश्वकप सुरु हुनेछ ।

तस्बिर : हेमन्त श्रेष्ठ/कान्तिपुर

नेपाल विश्वकपको समूह 'डी' मा नेदरल्यान्ड्स, श्रीलंका, बंगलादेश र दक्षिण अफ्रिकासँगै छ । विश्वकपअघि तयारीस्वरुप नेपालले घरेलु भूमिमा वेस्ट इन्डिज 'ए' टिमसँग ५ खेलको ट्वान्टी–२० शृंखला खेल्नेछ ।

कीर्तिपुरस्थित त्रिवि मैदानमा उक्त शृंखला अप्रिल २५ देखि मे ५ सम्म हुने नेपाल क्रिकेट संघले जनाएको छ । पहिलोपल्ट वेस्ट इन्डिज टिम नेपाल आउन लागेको हो ।