नेपाली क्रिकेट टोलीको नयाँ जर्सी सार्वजनिक
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — नेपाली राष्ट्रिय क्रिकेट टोलीको नयाँ जर्सी सार्वजनिक गरिएको छ । युवा तथा खेलकुद मन्त्री विराजभक्त श्रेष्ठ र राष्ट्रिय खेलकुद परिषदका सदस्यसचिव टंकलाल घिसिङ सोमबार आईसीसी ट्वान्टी–२० विश्वकपका लागि नेपाली राष्ट्रिय क्रिकेट टोलीको जर्सी सार्वजनिक गरेका हुन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![नेपाली क्रिकेट टोलीको नयाँ जर्सी सार्वजनिक](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/sports/jerseyunveil04082024d2a5790-copy-0942024045800-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
दोस्रो पटक ट्वान्टी–२० विश्वकप खेल्न लागेको नेपालको जर्सी केल्मीले तयार गरेको हो । अमेरिका र वेस्ट इन्डिजमा जुन ४ देखि विश्वकप सुरु हुनेछ ।
तस्बिर : हेमन्त श्रेष्ठ/कान्तिपुर
नेपाल विश्वकपको समूह 'डी' मा नेदरल्यान्ड्स, श्रीलंका, बंगलादेश र दक्षिण अफ्रिकासँगै छ । विश्वकपअघि तयारीस्वरुप नेपालले घरेलु भूमिमा वेस्ट इन्डिज 'ए' टिमसँग ५ खेलको ट्वान्टी–२० शृंखला खेल्नेछ ।
कीर्तिपुरस्थित त्रिवि मैदानमा उक्त शृंखला अप्रिल २५ देखि मे ५ सम्म हुने नेपाल क्रिकेट संघले जनाएको छ । पहिलोपल्ट वेस्ट इन्डिज टिम नेपाल आउन लागेको हो ।
![](https://assets-cdn.ekantipur.com/uploads/source/ads/900-x-100-0172024023126.gif)