शंकरनगर क्रिकेट क्लब १ सय ६० रनले विजयी
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
तिलोत्तमा — ‘ड्रिम युनिक रुपन्देही सुपर लिग वान–डे क्रिकेट प्रतियोगिताअन्तर्गत डिभिजन 'बी' को ग्रुप 'ए' को खेलमा शंकरनगर क्रिकेट क्लब विजयी भएको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![शंकरनगर क्रिकेट क्लब १ सय ६० रनले विजयी](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/nnnnnnnnnnnnnnnnnn-1732024120714-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
सिद्धार्थ क्रिकेट मैदानमा आइतबार भएको खेलमा शंकरनगरले साइ ग्लोबल क्रिकेट क्लब भैरहवालाई १ सय ६० को विशाल अन्तरले पराजित गरेको हो । टस जितेर पहिलो ब्याटिङ गरेको शंकरनगरले निर्धारित ५० ओभरमध्ये ४१.५ ओभरमा सम्पूर्ण विकेट गुमाएर २ सय ४६ रनको स्कोर बनाएको थियो । शंकरनगरको तर्फबाट ब्याटिङमा महेन्द्र सुवेदी क्षेत्रीले ८५ रन, दर्शन राना मगरले ३३ र विवेक भण्डारीले २६ रन बनाउन सफल भएका थिए । शंकरनगरलाई ४५ रन अतिरिक्त प्राप्त भएको थियो ।
साइ ग्लोबलको तर्फबाट बलिङमा अल्दिप क्षेत्रीले ४, राहुल थापाले २, अविजित ज्ञवालीले २, अभिषेक कोहार र अब्दुल नदिम शेकले समान १/१ विकेट लिएका थिए ।
जवाफी व्याटिङमा उत्रिएको साइ ग्लोबलमात्र २३.५ ओभरमा ९६ रनमै सीमित हुन पुग्यो । उसका लागि ब्याटिङमा राहुल थापाले ३५ तथा बिन्दराम यादवले २१ रन जोड्न सफल भए । अन्य कुनै पनि ब्याटरले दोहोरो अंक जोडन सकेनन् ।
साइ ग्लोबललाई उक्त योगफलमा रोक्न शंकरनगरका बलर रुपेश बस्यालले ४, रौनक श्रीवास्तवले २, केशव पौडेल र महेन्द्र सुवेदी क्षेत्रीले १/१ विकेट लिएका थिए । खेलमा शंकरनगरका रुपेश बस्याल प्लेयर अफ द म्याच घोषित भए ।
सोमबार ज्ञानोदय क्रिकेट क्लब तथा सैनामैना क्रिकेट क्लबबीच खेल हुने छ ।
![](https://assets-cdn.ekantipur.com/uploads/source/ads/900-x-100-0172024023126.gif)