कृष्णध्वज स्मृति टेबलटेनिसमा सुस्मितालाई स्वर्ण
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — प्राइम ग्लोबलकी सुस्मिता खड्काले आठौं कृष्णध्वज स्मृति टेबलटेनिस प्रतियोगिताअन्तर्गत कलेजतर्फ महिला सिंगल्समा सोमबार स्वर्ण पदक जितेकी छन् । रेड टायल्स प्रालिको आयोजनामा भइरहेको प्रतियोगिताको फाइनलमा सुस्मिताले ओमेगाकी योङगी पौडेललाई ११–६, ८–११, ११–८, ११–१ को सेटमा पराजित गरिन् ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![कृष्णध्वज स्मृति टेबलटेनिसमा सुस्मितालाई स्वर्ण](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/sports/tt-2622024053231-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
लैनचौरस्थित राष्ट्रिय टेबलटेनिस प्रशिक्षण केन्द्रमा स्कुलतर्फ यू–१४ ब्वाइज सिंगल्समा एभीएमका जयस्नु महर्जन पहिलो भए । उनले फाइनलमा एभरेस्टका आर्यन शाहीलाई ७–११, ११–३, ११–३, १२–१० को सेटमा हराए ।
प्रतियोगिताको यू–१२ ब्वाइज सिंगल्स फाइनलमा भासराका रिजन शाक्यले एभीएमका स्वर्णिम शाक्यालाई ११–९, ९–११, १२–१०, ११–१ ले हराएर पहिलो स्थानमा रहे । यू–१६ ब्वाइज सिंगल्समा एभीएमका प्रजिल भट्टराई विजयी भए । उनले फाइनलमा भासराका वचन विष्टलाई ११–२, ११–५, ११–५ को सोझो सेटमा हराए ।
एभीएमका विज्ञान राईले यू–१० ब्वाइज सिंगल्सको फाइनलमा आफ्नै टिमका आयांश शर्मालाई ११–४, ११–७, १०–१२, १५–१३ ले हराएर स्वर्ण जिते ।
![](https://assets-cdn.ekantipur.com/uploads/source/ads/900-x-100-1-0282024055738.gif)