रहेनन् विश्वकप विजेता ब्रेहमे
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — सन् १९९० को विश्वकप फाइनलमा जर्मनीका लागि अर्जेन्टिनाविरुद्ध ८५ औं मिनेटमा पेनाल्टीबाट निर्णायक गोल गर्ने आन्द्रेस ब्रेहमेको मंगलबार राति निधन भएको छ । उनी ६३ वर्षका थिए ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![रहेनन् विश्वकप विजेता ब्रेहमे](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/andres-brhame-2122024015936-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
उनको पुरानो क्लब बायर्न म्युनिखले निधनबारे पुष्टि गरेको छ । बायर्नले भनेको छ, ‘आन्द्रेस ब्रेहमेको निधनमा हामी स्तब्ध छौं । उनी हाम्रो मुटुमा रहने छन् । उनी विश्व च्याम्पियन हुन् । अझ उनी विशेष व्यक्ति हुन् ।’
सन् १९८६–८८ बीच दुई सिजन बायर्नमा बिताएका सदाबहार डिफेन्डर ब्रेहमेले सन् १९८७ मा जर्मन बुंडेसलिगा जिते । बायर्नसँगै काइजरस्लर्टन र इन्टर मिलानका लागि खेलेका ब्रेहमेले केही समय सारब्रेकन र रियल जारागोजामा पनि बिताए । उनको खेलजीवन भने ह्याम्बर्गस्थिति उनको घरेलु क्लब एचएसभी बारमबेकबाट सुरु भएको थियो । उनको खेलको सबैभन्दा ठूलो विशेषता भन्नु समान रूपमा दुवै खुट्टाले खेल्न सक्नु हो ।
इटलीमा छँदा उनले इन्टर मिलानका लागि आफ्नै देशका योर्गन क्लिन्समन र लोथर म्याथ्युजसँग बलियो साझेदारी गरेका थिए । इन्टरका लागि उनले इटालीको सिरी ‘ए’ र यूईएफए कप पनि जिते ।
ब्रेहमेले सबैभन्दा बढी लामो समय १० वर्ष बिताएको भने काइजरर्स्लटनमै हो । पछि उनले प्रशिक्षकका रूपमा पनि क्लबको जिम्मेवारी सम्हाले । सन् १९९६ मा काइजरर्स्लटन रेलिगेसनमा परेको थियो र त्यसको दुई वर्षपछि ब्रेहमेकै कप्तानीमा टिम फेरि माथिल्लो डिभिजनमा उक्लेको थियो ।
![](https://assets-cdn.ekantipur.com/uploads/source/ads/900-x-100-1-0282024055738.gif)