बगेर बेपत्ता भएका दुई जनाको शव फेला

जिल्ला प्रहरी कार्यालय दार्चुलाकाअनुसार पानीको भेल आएपछि मुरैका स्थानीय २५ वर्षीया झुपा टमटा र ६ वर्षीय छोरा ऐन बिक खोलाले बगाएपछि बेपत्ता भएका थिए ।

बिहान साढे ७ बगेको ठाउँबाट २/३ मिटर तल बासखोलामा उनीहरुको शव फेला परेको जिल्ला प्रहरी कार्यालयका सूचना अधिकारी ज्ञानेन्द्रबहादुर सिंहले बताए । घटनाको खबर प्राप्त भएको केही बेरमै इलाका प्रहरी कार्यालय लटिनाथबाट प्रहरी निरीक्षक दर्शन खड्काको कमाण्डको गएको प्रहरी टोलीले बेपत्ताको शव फेला पारेको हो ।

खोला आसपास नयाँ सडक निर्माण भएको हुदा ढुंगा माटो खोलामा बगाएको थियो । उक्त क्षेत्रमा एक्कासी ठूलो वर्षा भएको र भिरालो ठाउँमा माथिबाट ढुंगामाटोसहित आएको खोलाको भेलले उनीहरुलाई बगाए थियो ।