बलात्कार आरोपमा दुई पक्राउ
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
सल्यान — २३ वर्षीया महिलालाई बलात्कार गरेको आरोपमा प्रहरीले सल्यानमा दुई जनालाई पक्राउ गरेको छ । महिलालाई बलात्कार गर्ने युवा भने फरार छन् ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![बलात्कार आरोपमा दुई पक्राउ](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/balatkar-2372024121522-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
बलात्कारको उद्योग आरोपमा प्रहरीले जिल्लाको बन्गाड कुपिण्डे नगरपालिका-१ देवस्थल बस्ने वर्ष २२ का मानबहादुर रावत र बसन्त बुढालाई पक्राउ गरेको हो । अर्का एक फरार रहेका छन् ।
जिल्ला प्रहरी कार्यालय सल्यानका सूचना अधिकारी प्रनि रेसमबहादुर खत्रीका अनुसार घरमा कोही नभएको मौका छोपी गत असार ३१ गते राति १२ बजे माइतीघरमा सुतिरहेकी युवतीलाई मानबहादुर रावत र बसन्त बुढाले बलात्कारको प्रयास गरेका थिए । नाम नखुलाइएका अर्का एकजनाले बरन्डाबाट तानी घिसार्दै घरदेखि ३० फिट टाढा पर्ने शौचालय नजिकैको खाली जग्गामा लगेर बलात्कार गरेका थिए ।
पक्राउ परेका दुई जनालाई जिल्ला अदालत सल्यानबाट म्याद थप गरी जिल्ला प्रहरी कार्यालय सल्यानको हिरासतमा राखेर अनुसन्धान भइरहेको र फरार प्रतिवादीको खोजी भइरहेको सूचना अधिकारी प्रनि खत्रीले जानकारी गराए ।
![](https://assets-cdn.ekantipur.com/uploads/source/ads/900-x-100-1-0282024055738.gif)