आठविसकोटका बाढीपीडितलाई नगरपालिकाको सहयोग
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
रूकुम पश्चिम — गत सोमबार राति आठविसकोट नगरपालिका-१२ झिमखोलामा आएको बाढीमा परी ज्यान गुमाएका ३ जना र बेपत्ता १ जनाका परिवारलाई नगरपालिकाले नगद राहत सहयोग गरेको छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![आठविसकोटका बाढीपीडितलाई नगरपालिकाको सहयोग](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/image123650291-1872024025735-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
बिहिबार नगर प्रमुख रवी केसीले घटनास्थलमा पुगेर ४ जनाका परिवारलाई २५/२५ हजार रुपैयाँ प्रदान गरेका हुन् । आठबिसकोट-१२ बगरनजिक तातोपानी खोलाले भूकम्पपीडितका टहरा बगाउँदा स्थानीय एकै घरका दिदीबिहिनी ८ वर्षीया हितमाया पुन र ५ वर्षीया धनिसा पुन तथा सोही घरमा बास बसेकी छिमेकी ४ वर्षीया मनिषा सार्कीको ज्यान गएको थियो ।
त्यस्तै नजिकै रहेको झिन्चौर खोलाले बगाएर स्थानीय ४० वर्षीय डिल्ली बुढाथोकी बेपत्ता भएका छन् । उनको अवस्था अहिले पनि अज्ञात छ । साथै बाढीका कारण वडा नं. १२ सँगै ११ र १३ का गरेर जम्मा ९८ घरपरिवार विस्थापित भएको र १५ सय ५७ घरपरिवार उच्च जोखिममा रहेको नगर प्रमुख केसीले जानकारी दिए ।
'हामी नागरिकको यसप्रकरको दु:खबाट मर्माहत भएका छौं,' उनले भने, 'विस्थापित घरपरिवारलाई तत्काल राहतस्वरूप पालिका र विभिन्न संघ-संस्थामार्फत राहात प्रदान गरेका गरिरहेका छौं ।'
प्रमुख केसीले घरबासविहीन भएकाहरूलाई तत्कालका लागी स्थानीय सामुदायिक भवनमा बस्ने व्यवस्था मिलाएको र अस्थायी बास बनाउनेबारे योजना तयार भइरहेको पनि बताए ।
![](https://assets-cdn.ekantipur.com/uploads/source/ads/900-x-100-1-0282024055738.gif)