२६.१२°C काठमाडौं
शाैचालय गएका वृद्धको खोलाले बगाएर मृत्यु
दाङ — दाङमा खोलाले बगाएर एक वृद्धको मृत्यु भएको छ । घोराही उपमहानगरपालिका–११ झमरेका ६४ वर्षीय तिलकराम बिकको आइतबार पत्रे खोलाले बगाएर मृत्यु भएको हो ।
बिहान पत्रेखोला किनारमा शौच गर्न गएका बिक बगाएर वेपत्ता भएका थिए ।
निकैबेरसम्म घर नफर्केपछि परिवारका सदस्यहरु खोज्न जाँदा खोला किनारमा छाता, चस्मा र लट्ठी फेला परेको थियो ।
प्रहरीले खबर पाएपछि जिल्ला प्रहरी कार्यालय लगायत विभिन्न प्रहरी इकाईबाट खटिएका प्रहरीले खोजतलास सुरु गरेका थिए ।
खोज्दै जाँदा करिब ७ किलोमिटर तल घोराही–९ तेघरास्थित हापुर खोला किनारमा बिक मृत फेला परेको प्रहरी निरीक्षक मीरा खड्काले बताइन् ।
प्रकाशित : श्रावण २८, २०८० १७:०२प्रतिक्रिया
