विद्युत् अनियमितताविरुद्ध सडकमै सुतेर विरोध
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
नेपालगन्ज — नेपालगन्जमा भइरहेको विद्युत् अनियमितता विरुद्ध सडकमा सुतेर दबाब दिइएको छ । विद्युत् अनियमितता हुँदा मर्का परेको भन्दै नेपाल विद्युत् प्राधिकरण नेपालगन्ज वितरण केन्द्रमा पुगेर नागरिक अगुवा, सर्वसाधारण लगायतले घेराउ गरेका थिए । घेराउ गर्ने क्रममा उनीहरुले चर्का नाराबाजी गरे । आक्रोशित स्थानीयले चर्को गर्मीमा सडकमै सुतेर विरोध जनाए ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![विद्युत् अनियमितताविरुद्ध सडकमै सुतेर विरोध](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/miscellaneous/sadak-ma-sutera-birodh-1962023050730-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
स्थानीयले गत जेठ ११ गते विद्युत प्राधिकरण नेपालगन्ज वितरण केन्द्रका प्रमुखलाई विद्युत् नियमित गर्न माग गर्दै ज्ञापनपत्र बुझाएका थिए । तर, माग सुनुवाइ नभएको उनीहरुको भनाइ छ । सो क्रममा नागरिक समाजका अगुवा कृष्णप्रसाद श्रेष्ठ, बास नेपालका कार्यकारी निर्देशक नमस्कार शाह, करिस्मा योगी, प्रकाश कुँवर लगायतले सम्बोधन गरेका थिए ।
प्राधिकरण नेपालगन्ज वितरण केन्द्रका प्रमुख दिवाकर प्याकुरेलले समस्या समाधानका लागि विद्युत् कार्यालयले काम गरिरहेको बताएका थिए । सो क्रममा उनीहरुले वितरण केन्द्र प्रमुख प्याकुरेललाई ज्ञापनपत्र समेत बुझाएका छन् ।
![](https://assets-cdn.ekantipur.com/uploads/source/ads/900-x-100-0172024023126.gif)