सवारी दुर्घटनामा शिक्षिकाको मृत्यु भएपछि हापुरे तुलसीपुर सडकखण्ड अवरूद्ध
दाङ — जिपको ठक्करबाट एक शिक्षिकाको मृत्यु भएपछि पीडित पक्षले शुक्रबार बिहानैदेखि हापुरे-तुलसीपुर सडकखण्ड अवरुद्ध गरेका छन् । मृतकका आफन्तहरूले उचित क्षतीपुर्ती माग गर्दै तुलसीपुरमा सडक अवरुद्ध गरेका हुन् ।
उक्त सडकखण्डमा सवारीसाधन आवागमन ठप्प भएको छ । बिहीबार शिक्षणका लागि शान्तिनगर गाउँपालिका ७ स्थित माध्यामिक विद्यालय तुलसीपुरमा जाँदै गरेकी शिक्षिका सवार रा ७ प ४२३७ नम्बरको स्कुटीलाई दंगीशरण-५ कुमालगडीमा रा १ ज ९२३ नम्बरको जिपले ठक्कर दिएको थियो ।
जिपको ठक्करबाट सख्त घाइते भएकी तुलसीपुर उपमहानगरापलिका ९ बेलुवाकी ३७ वर्षीया सीता लम्सालको उपचारका क्रममा मृत्यु भएको थियो ।
प्रकाशित : जेष्ठ १२, २०८० १०:३८प्रतिक्रिया
