रामग्राम र प्रतापपुरमा उच्च शिक्षा अध्ययनरत छात्रालाई निःशुल्क साइकल
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
परासी — पश्चिम नवलपरासीको रामग्राम नगरपालिकाले प्रदेश सरकारको सहयोगमा छात्राहरूलाई साइकल प्रदान गरेको छ । सदरमुकाम परासीस्थित पवन माध्यमिक विद्यालयमा अध्ययनरत १ सय १२ जना छात्रालाई निःशुल्क साइकल वितरण गरिएको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![रामग्राम र प्रतापपुरमा उच्च शिक्षा अध्ययनरत छात्रालाई निःशुल्क साइकल](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/cycle-1-1452023083030-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
प्रदेश सरकारको छोरी पढाउ छोरी बचाउ कार्यक्रमअर्न्तगत उच्च शिक्षा हासिल गर्नका लागि प्रोत्साहनस्वरुप साइकल प्रदान गरीएको रामग्राम नगरपालिकाका प्रमुख धनपत यादवले बताए ।
तराई भेगमा छोरीलाई छिट्टै विवाह गर्ने र बीचमै अध्ययन छाड्ने प्रवृत्ति बढेपछि प्रोत्साहन स्वरुप यस्तो कार्यक्रम सञ्चालन गरिएको हो ।
यसैगरी जिल्लाको प्रतापपुर गाउँपालिकाले पनि १ सय २० छात्रालाई साइकल उपलब्ध गराएको छ । गाउँपालिकाभित्र कक्षा १२ पास गरेर स्नातक तह अध्ययन गरिरहेका छात्रालाई सार्वजनिक रुपमा निवेदन माग गरेर साइकल वितरण गरिएको प्रतापपुर गाउँपालिकाका अध्यक्ष उमेशचन्द्र यादवले बताए । जिल्लाका अन्य पालिकाले पनी यसअघि शैक्षिक स्तर सुधारका लागि भन्दै छात्रा केन्द्रित कार्यक्रम सञ्चालन गर्दै आएका छन् । ग्रामीण भेगमा क्याम्पस जानका लागि सवारीको सुविधा नहुदा समयमा नै क्याम्पस जान नसक्ने र बीचमै अध्ययन छाड्न बाध्य विपन्न वर्गका विद्यार्थीलाई साइकल उपलब्ध भएपछि सहज भएको छ ।
![](https://assets-cdn.ekantipur.com/uploads/source/ads/900-x-100-0172024023126.gif)