बलात्कार आरोपित कवाडिया फरार
नेपालगन्ज — नेपालगन्ज उपमहानगरपालिका ११ का सलमान कवाडियाले घरमा काम गर्न बोलाएर मजदुर महिलामाथि शनिबार जबरजस्ती करणी गरेको आरोप लागेको छ । ३२ वर्षीया एक महिलालाई कवाडियाले शनिबार अपराह्न ५ बजे बलात्कार गरेको पीडित पक्षले आरोप लगाएको छ ।
![](https://assets-cdn.ekantipur.com/uploads/source/ads/comp-900x100-1672024010950.gif)
आफूलाई कवाडियाले जबरजस्ती करणी गरेको भन्दै पीडित महिलाले आइतबार प्रहरी कार्यालयमा उजुरी दिएकी थिइन् । कवाडिया भने फरार रहेको बाँकेका एसपी सन्तोष राठौरले बताए ।
मजदुरको एक समूहले आइतबार बिहान कवाडियाको घरसमेत घेरेका थिए । मजदुरी गरेर जीविका चलाइरहेका विपन्न तथा गरीब परिवारका सदस्यहरू कामका लागि नेपालगन्ज पुगेर दिनभरि मजदुरी गरेर घर फर्किने गर्छन् ।
![](https://assets-cdn.ekantipur.com/uploads/source/ads/900-x-100-1-0282024055738.gif)
प्रतिक्रिया