चितुवाको आक्रमणमा परी २ जना घाइते
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
परासी — पश्चिम नवलपरासीको पाल्हिनन्दनमा चितुवाको आक्रमणमा परेर २ जना घाइते भएका छन् ।
![](https://assets-cdn.ekantipur.com/uploads/source/ads/comp-900x100-1672024010950.gif)
पाल्हिनन्दन गाउँपालिका ४ बैरहवामा रहेको आँपको बगानमा काम गरिरहेका ४५ वर्षीय गजेन्द्र कोइरी र १८ वर्षीय सम्पत भर घाइते भएको जिल्ला प्रहरी कार्यालय पश्चिम नवलपरासीका सूचना अधिकारी डिएसपी भोजराज पाण्डेले बताए ।
घाइतेको पाल्हिनन्दन अस्पताल लौहरीमा उपचार भइरहेको छ । मानिसलाई आक्रमण गरेको देखेर गाउँलेले होहल्ला गरेपछि चितुवा भागेको थियो । मानिसलाई घाइते बनाउने चितुवाको खोजीका लागि जिल्ला वन कार्यालयको प्राविधिक टोली खटिएको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)
प्रतिक्रिया