कान्तिपुर वेबसाईट
AdvertisementAdvertisement
१७.१२°C काठमाडौं
काठमाडौंमा वायुको गुणस्तर: १९६

सियारी पालिकाका ९५ प्रतिशत योजना कार्यान्वयनमा 

अमृता अनमोल

बुटवल — आर्थिक वर्षको अन्त्यमा हतार हतारमा लतपत काम गर्ने परिपाटी धेरैतिर छ ।  रुपन्देहीको सियारी गाउँपालिकाले भने चालु आर्थिक वर्षको सुरुवातदेखि नै योजना कार्यान्वयमा लैजाँदा फागुन मसान्तभित्रै ६० योजना सम्पन्न गरेको छ । ९५ प्रतिशत योजनाको सम्झौता गरी कार्यान्वयनमा लगेको छ । 

सियारी पालिकाका ९५ प्रतिशत योजना कार्यान्वयनमा 

गाउँसभाबाट पारित योजनामध्ये ९५ प्रतिशतमा सम्झौता गरी सुरुवात गरेको योजना शाखा प्रमुख रोमलाल पुरीले जानकारी दिए । सियारी पालिकाले सबैजसो सडक, नाली, कल्भर्ट, भवन तथा आवास निर्माण, धर्मशाला निर्माण लगायतका पूर्वाधार निर्माणका काम अगाडि बढाएको छ । योजना प्रमुख पुरीका अनुसार सियारी गाउँपालिका स्तरका १० करोड ७१ लाख ६९ हजार बराबरका तथा वडा स्तरमा ७ करोड २१ लाख बराबरका योजना निर्माणको चरणमा छन् । गाउँपालिकाले सडक, कुलो, बाँध निर्माण, तथा विद्यालयका भवन निर्माणलाई प्राथमिकतामा राखेको छ ।

गाउँपालिका उपाध्यक्ष तथा अनुगमन समिति संयोजक तारा थारुले उपभोक्ता समिति तथा निर्माण व्यवसायीले सुरु गरेका हरेक योजनामा गुणस्तर कायम राख्न नियमित अनुगमन र सुझाव संकलन थालेको बताइन् । सियारीले सबैजसो सडक, नाली, कल्भर्ट, भवन तथा आवास निर्माण, धर्मशाला निर्माण लगायत पूर्वाधार निर्माणका काम अगाडि बढाएको छ । पहिलो चौमासिकबाटै योजना कार्यान्वयनमा गएकाले असार मसान्तमा हतारो नहुने र काममा गुणस्तर नघट्ने उपाध्यक्ष चौधरीले बताइन् ।


प्रकाशित : चैत्र ३, २०७९ १३:११
प्रतिक्रिया
पठाउनुहोस्
जनताको राय

चालु वर्षको ९ महिनामा वार्षिक लक्ष्यको ३२.२४ प्रतिशत मात्र विकास खर्च हुनुको अर्थ के हो ?