दाङमा एम्बुलेन्सको ठक्करबाट एक जनाको मृत्यु
दाङ — एम्बुलेन्सको ठक्करबाट दाङमा एक जनाको मृत्यु भएको छ । रोल्पाबाट घोराहीतर्फ आउँदै गरेको रा १ झ १९७ नम्बरको एम्बुलेन्सले विपरीत दिशातर्फ गइरहेको रा ६ प ८९८५ नम्बरको मोटरसाइकललाई आइतबार साँझ मोटरसाइकल चालकको मृत्यु भएको हो ।
घोराही उपमहानगरपालिका-१३ दारबोट चोकमा आइतबार साँझ मोटरसाइकललाई एम्बुलेन्सले ठक्कर दिँदा मोटरसाइकल चालक घोराही–१० नारायणपुरका ४५ वर्षीय पूर्ण पुनको मृत्यु भएको हो ।
दुर्घटनामा सख्त घाइते भएका पुनलाई राप्ती स्वास्थ्य विज्ञान प्रतिष्ठान घोराहीमा प्राथमिक उपचारपछि थप उपचारका लागि भैरहवा मेडिकल कलेज लगेपछि उपचारका क्रममा सोमबार बिहान मृत्यु भएको जिल्ला प्रहरी कार्यालय दाङले जनाएको छ ।
घटनापछि एम्बुलेन्स चालक त्रिवेणी गाउँपालिका २ रोल्पाका २८ वर्षीय निर्मल बुढालाई पक्राउ गरी अनुसन्धान सुरु गरेको जिल्ला प्रहरी प्रवक्ता डीएसपी राजनकुमार गौतमले बताएका छन् ।
