बस दुर्घटनामा ६ जना घाइते
तनहुँ — पृथ्वी राजमार्ग अन्तर्गत जिल्लाको आँबुखैरेनी गाउँपालिकामा शनिबार बिहान बस दुर्घटना हुँदा ६ जना घाइते भएका छन् ।
आँबुखैरेनी-२ ट्राफिक पोस्ट नजिक बस दुर्घटना हुँदा ६ जना घाइते भएका जिल्ला प्रहरी नायव उपरीक्षक दिपक कुमार रायले जानकारी गराएका छन् ।
मुग्लिनबाट आँबुखैरेनीतर्फ आाउँदै गरेको ना५ख४३७४ नम्बरको बस अनियन्त्रित भई सडकबाट बायाँतर्फ नालीमा परी दुर्घटना भएको हो । दुर्घटनामा घाइते भएकाहरूको आँबुखैरेनी अस्पतालमा उपचार भइरहेको प्रहरीले जनाएको छ ।
प्रकाशित : असार ८, २०८१ ११:४२प्रतिक्रिया