करेन्ट लागेर बालकको मृत्यु 

करेण्ट लागेर १३ वर्षीय रोहित रुम्बाको ज्यान गएको जिल्ला प्रहरी कार्यालयले जनाएको छ । बुधबार दिउँसो ३ बजेको समयमा सडक निर्माणका लागि स्थापना गरिएको अमर कन्ट्रक्सन क्रसरको ट्रान्समिटरको तारमा छुँदा बालकको करेन्ट लागेर घटनास्थलमै मृत्यु भएको थियो ।

बालकको मानसिक अवस्था ठिक नभएको प्रहरीले जानकारी दिएको छ । प्रहरी चौकी फाखेल र इलाका प्रहरी कार्यालय भिमफेदीबाट टोली खटिएर मुचुल्का तथा अनुसन्धान कार्य गरिरहेको प्रहरीले जनायो ।