साँगामा रोकिराखेको ट्यांकरसँग मोटरसाइकल, स्कुटर, कार र ट्रक ठोक्किए, २ जना घाइते
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काभ्रे — बनेपा नगरपालिका-१३ मा एक आपसमा सवारी ठोक्किएर दुर्घटना हुँदा २ जना घाइते भएका छन् । रोकिराखेको ट्यांकरसँग बुधबार दिउँसो ३ : ५० बजेतिर मोटरसाइकल, स्कुटर, कार र ट्रक ठोक्किएको जिल्ला प्रहरी कार्यालयका प्रहरी नायब उपरीक्षक राजकुमार श्रेष्ठले जानकारी दिए ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![साँगामा रोकिराखेको ट्यांकरसँग मोटरसाइकल, स्कुटर, कार र ट्रक ठोक्किए, २ जना घाइते](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/kavre-2952024030445-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
उनका अनुसार साँगा–धुलिखेल सडक खण्डस्थित पुतली रिसोर्ट अगाडि किनारमा रोकिराखेको बा–प्र–०१००३ क ९९४५ नम्बरको ट्यांकरसँग साँगाबाट बनेपातर्फ आइरहेको बा ६३ प ७ नम्बरको मोटरसाइकल ठोक्किएको थियो ।
त्यस ठाउँमा बा.प्र–०२–०४४ प ०५७३ नम्बरको स्कुटर, बा ७ च ४५३७ नम्बरको कार र बा.प्र– ०१–०२६ च ९२३९ नम्बरको गाडी, बीएसीओ१२३ नम्बरको कार, ना ७ ख ५४१ नम्बरको मालबहाक ट्रकसमेत ठोक्किएका थिए ।
दुर्घटनामा बा ६३ प ७ नम्बरको मोटरसाइकल चालक काभ्रेको पनौती नगरपालिका २ बस्ने ४८ वर्षीय प्रकाश सापकोटा र बा.प्र–०२–०४४ प ०५७३ नम्बरको स्कुटर चालक बनेपा–५ की १८ वर्षीया देविना कर्माचार्य घाइते भएको उनले बताए ।
उपचारपछि देविनालाई घर पठाइएको र प्रकाशलाई उपचारका लागि काठमाडौं पठाइएको प्रहरी नायब उपरीक्षक श्रेष्ठले जनाए । घटनाको विषयमा प्रहरीले अनुसन्धान गरिरहेको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)