हेटौंडामा राष्ट्रिय शैक्षिक सम्मेलन सुरु
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
हेटौंडा — जिल्लाको सबैभन्दा जेठो मकवानपुर बहुमुखी क्याम्पसले‘उच्च शिक्षाका चुनौती, दिगोपना र विद्यार्थीले बीचमै पढाई छाड्ने दर न्यूनीकरण’ विषयक राष्ट्रिय शैक्षिक सम्मेलन हेटौंडामा शुक्रबारदेखि सुरु भएको छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![हेटौंडामा राष्ट्रिय शैक्षिक सम्मेलन सुरु](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/confrance-2452024112429-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
सामुदायिक, आंगिक र निजी गरी करिब सय सामुदायिक क्याम्पसका प्राध्यापकहरु सहभागी रहेको उक्त राष्ट्रिय शैक्षिक सम्मेलनको वाग्मती प्रदेशका मुख्यमन्त्री सालिकराम जम्कट्टेलले उद्घाटन गरे । मुख्यमन्त्री जम्कट्टेलले प्रदेश सरकारले उच्च शिक्षामा प्राविधिक र व्यवहारिक कार्यक्रम सञ्चालन गर्ने तयारी गरिरहेको बताए ।
उच्च शिक्षालाई वाग्मती प्रदेश सरकारले नयाँ ढंगले अघि बढाउने प्रयास गरिरहेको उनको भनाइ थियो । अहिलेको शिक्षा सैद्धान्तिक भएकोले बेराजगारी बढेको, पलायनको स्थिति आएको उल्लेख गर्दै मुख्यमन्त्री जम्कट्टेलले भने, ‘वाग्मती प्रदेश सरकारले माध्यमिक शिक्षा नीति र उच्च शिक्षा नीति नयाँ ढंगले बनाएको छ । माध्यमिक तहका विद्यालय ग्रामीण क्षेत्र लक्षित गरी “एक वडा, एक आवासीय विद्यालय” बनाउने नीति लिएका छौं । उच्च शिक्षालाई प्राविधिक र व्यवहारिक बनाउछौ ।'
मकवानपुर वहुमुखी क्याम्पसका संचालक समितिका अध्यक्ष अनन्त पौडेलको अध्यक्षतामा संचालित सम्मेलनमा वाग्मती प्रदेशका प्रथम मुख्यमन्त्री डोरमणि पौडेलले उच्च शिक्षामा समस्या रहेको र समस्या समाधानमा ध्यान जान नसकेको बताए ।
शनिबारसम्म संचालन हुने उक्त कार्यक्रममा प्रा डा हिरण्य रत्न वज्राचार्य, सुदुरपश्चिम विश्वविद्यालयका उपकुलपति प्रा डा ध्रुवकुमार गौतम, हेटौंडाका मेयर मिनाकुमारी लामालगायतले उच्च शिक्षामा रहेका समस्याबारे बोलेका थिए ।
२ दिनसम्म सञ्चालन हुने उक्त सम्मेलनमा देशभरका करिब तीन सय जना प्राध्यापकहरु सहभागी छन् ।
![](https://assets-cdn.ekantipur.com/uploads/source/ads/900-x-100-1-0282024055738.gif)