परालभित्र लुकाएर राखिएको सालको काठ बरामद

विशेष सूचनाका आधारमा इलाका प्रहरी कार्यालय पटेर्वासुगौली र अस्थाई प्रहरी पोस्ट मनवाको टोलीले मंगलबार साँझ करिब साढे ५ बजेको समयमा कोइलाभार टोलमा परालभित्र राखएको सालको गोलिया बरामद गरेको प्रहरी निरीक्षक रामराज केशरीले बताए ।

प्रहरीका अनुसार ४० इन्च मोटाइ र ७ फिट लम्बाइको एक थान, ३५ इन्च मोटाइ र ४ फिट लम्बाईको २ थान, ३० इन्च मोटाइ र ४ फिट लम्बाइको ४ थान काठ बरामद भएको हो । बरामद गरिएको सालको गोलिया सब डिभिजन वन कार्यालय सखुवनियाको जिम्मा लगाइएको इलाका प्रहरी कार्यालय पटेर्वासुगौलीका प्रहरी निरीक्षक रामराज केशरीले जनाए ।