लागु औषधसहित ३ पक्राउ 

पक्राउ पर्नेमा स्कुटर चालक मकवानपुर हेटौंडा उमनपा–१ का २४ वर्षीय समिप श्रेष्ठ र स्कुटरको पछाडि बसेका सोही ठाउँका २८ वर्षीय सुवास पौडेल छन् । पौडेलले लगाएको हुडी भित्र बायाँ हातको भागमा लुकाइछिपाइ राखिएको लागुऔषध खैरो हेरोइन जस्तो देखिने सेतो पदार्थ शुन्य दशमलव ६ सय २० मिलिग्राम फेला परेको थियो ।

सोही दिन सोही स्थानबाटै प्रहरीले अर्का एकलाई पनि लागु औषधसहित पक्राउ गरेको छ । प्रहरी चौकी इनर्वाबाट खटिएको टोलीले भारतबाट शंकास्पदरूपमा पैदल हिँडेर वीरगन्ज तर्फ आउँदै गरेका मकवानपुर हेटौंडा उमनपा–१४ मयुरधापका २८ वर्षीय साजन पौडेललाई पक्राउ गरेको हो ।

उनले बोकेको प्लाष्टिकको झोलाभित्र प्रतिबन्धित लागुऔषध नाइट्राजेपाम नाइजा एक्यान प्रति पत्ता १० ट्याब्लेटका दरले ७ पत्तामा ७० ट्याब्लेट फेला परेको थियो । पक्राउ परेका तीनैजनालाई थप अनुसन्धान तथा कारबाही भइरहेको पर्सा प्रहरीका प्रवक्ता डीएसपी कुमार विक्रम थापाले जानकारी दिए ।