पर्सामा पुरुषको शव फेला
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
पर्सा — ठोरी गाउँपालिका–४ विजयबस्तीमा सोमबार एक पुरुषको बेवारिसे शव फेला परेको छ । नेपाल–भारत सीमा नजिक उखुबारीमा अन्दाजी ३५ देखि ४० वर्ष उमेरको देखिने पुरुषको शव फेला परेको हो ।
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
इलाका प्रहरी कार्यालय ठोरीका प्रमुख प्रहरी निरीक्षक सन्तोष राईका अनुसार, स्थानीयले मृतकको पहिचान गर्न सकेका छैनन् । उनी विजयबस्ती टोलका होइनन् । घटनास्थल नेपाल भारत सीमा नजिक रहेको छ । स्थानीयले उखु बारीमा शव देखेपछि प्रहरीलाई खबर गरेका थिए ।
घटनास्थलमा पुगेर आवश्यक अनुसन्धान भइरहेको प्रनि राइले बताए । प्रारम्भिक अनुसन्धानबाट मृतकको शरीरमा घाउ चोट तथा निलडाम आदि नपाइएको उनले बताए । शव परीक्षणका लागि नारायणी अस्पताल वीरगन्ज पठाउने तयारी भइरहेको उनले बताए ।
![](https://assets-cdn.ekantipur.com/uploads/source/ads/900-x-100-0172024023126.gif)
प्रतिक्रिया