गर्मी बढेपछि सर्लाहीमा चार दिनका लागि विद्यालय बिदा
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
सर्लाही — गर्मी बढेपछि सर्लाहीका सामुदायिक विद्यालयमा चार दिनका लागि बिदा दिइएको छ । शिक्षा‚ विकास तथा समन्वय इकाई सर्लाहीले बिदा दिने निर्णय गरेको हो । कतिपय स्थानीय तहले पनि बिदाको घोषणा गरेका छन् ।
![](https://assets-cdn.ekantipur.com/uploads/source/ads/900x100-1172024092759.gif)
![गर्मी बढेपछि सर्लाहीमा चार दिनका लागि विद्यालय बिदा](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/miscellaneous/school-0462023050023-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
समन्वय इकाई तथा पालिकाले गर्मीका कारण बालबालिकामा गम्भीर असर परेको भन्दै जेठ २४ गतेसम्मका लागि विद्यालय बिदा दिइएको जनाएको छ । इकाईका निमित्त प्रमुख अशोककुमार रौनियार तथा विभिन्न नगरपालिकाका प्रमुख प्रशासकीय अधिकृतहरूद्वारा प्रकाशित सूचनामा बर्खे बिदाबाट कट्टा हुने गरी जिल्ला तथा नगर क्षेत्रका सामुदायिक तथा संस्थागत विद्यालयमा बिदा दिइएको उल्लेख छ । विद्यालय बिदा भएपछि विद्यार्थीहरू बिहानै घर फर्किएका थिए ।
पछिल्ला केही दिनदेखि बढ्दै गएको गर्मीको कारण जनजीवन कष्टकर बन्दै गएको छ । बिहान सबेरैदेखि सुरु हुने गर्मी मध्याह्नसम्म ४४ डिग्रीसम्म तापक्रम पुग्ने गरेकाले जनजीवनसमेत प्रभावित बनेको छ ।
![](https://assets-cdn.ekantipur.com/uploads/source/ads/900-x-100-0172024023126.gif)