सर्लाहीको लालबन्दीस्थित एक निजी अस्पतालका चिकित्सकमाथि स्थानीयले आक्रमण गर्न खोज्दा प्रहरीसँग झडप भएको छ । प्रहरीले चार राउण्ड हवाई फायर गरेपछि भिड तितरबितर भएको छ । लालबन्दीस्थित मोडेल अस्पतालमा टेटनसका सुई लगाउन आएका एक बिरामीलाई रेवीजको सुई दिएपछि स्थानीयले चिकित्सकमाथि आक्रमण प्रयास गरेका थिए । हो–हल्ला हुनेबित्तिकै अस्पतालमा पुगेको प्रहरी र लालबन्दी नगरपालिका–६ का स्थानीयसँग झडप भएको थियो ।
ब्रह्मपुरी गाउँपालिका–३ भेल्हीस्थित पोखरीमा तीन जनाको शव फेला परेको छ । गाउँको पूर्वतर्फ रहेको पोखरीमा स्थानीय सञ्जीव कापरकी २५ वर्षीया श्रीमती रितेबादेवी, दुई वर्षीया छोरी रोमाकुमारी र ९ दिने छोराको शव भेटिएको प्रहरीले जनाएको छ ।
सर्लाहीमा खोलाले क्षति पुर्याएको क्षेत्रमा दीर्घकालीन सुरक्षा उपाय नअपनाउँदा बर्सेनि कटान बढ्दो छ । कटान क्षेत्रमा टालटुले मर्मत गर्दा जोखिम बढेको हो ।
सर्लाहीस्थित लखन्देही खोलाले भत्काएको बाँधको मर्मत जलस्रोत तथा सिँचाइ विभागको आर्थिक सहयोगमा जनताको तटबन्ध कार्यालयले गर्ने भएको छ । बाँध मर्मतका लागि बजेट अभाव भएका बेला विभागले आर्थिक सहयोग गर्ने भन्दै मर्मतको निर्देशन दिएको हो ।
सर्लाहीको मध्यभाग भएर बग्ने लखन्देही खोलामा आएको बाढीले जिल्लाका तीन स्थानको बाँध भत्काएको छ । चक्रघट्टा गाउँपालिका–१ शिवनगरस्थित खोलाले बाँध भत्काएको हो । जग्गा कटान गर्दै खोला बस्तीतर्फ सोझिने खतरा छ भने आधा दर्जन बस्ती उच्च जोखिममा छन् ।
सर्लाहीको मध्यभाग भएर बग्ने लखन्देही खोलाले जिल्लाको तीन स्थानमा बाँध भत्काएको छ । बाँध भत्किएपछि खेतीयोग्य जमिन कटान गर्दै खोला बस्तीतर्फ सोझिने खतरा बढेको छ । नदी कटानले जिल्लाका आधा दर्जन बस्ती उच्च जोखिममा छन् ।
सर्लाहीको वाग्मती नगरपालिका–१२ स्थित नवनिर्मित तालमा बेपत्ता भएका युवकको शव २६ घण्टापछि फेला परेको छ । हिलोमा गाडिएको अवस्थामा शव फेला परेको प्रहरीले जनाएको छ । शनिबार तालमा माछा मार्न गएका वाग्मती–१ का १८ वर्षीय सुशान्त थापा अपराह्न ४ बजेदेखि बेपत्ता भएका थिए ।
सर्लाही मलंगवा नगरपालिका–५ भाँड्सरका अरुणकुमार यादवसँग डेढ बिघा खेतीयोग्य जग्गा छ । तर उनले तीन वर्षदेखि खेतमा धान रोपाइँ गर्न पाएका छैनन् । प्रत्येक वर्ष डुबानकै कारण उनले बाली लगाउन पाउँदैनन् । खेती किसानी पेसा भए पनि डुबान भएर आफ्नै खेतमा मिहिनेत गर्न नपाएको उनको गुनासो छ । रोपाइँ नभएर उब्जनी हुन नसकेपछि उनलाई चामल किनेर खानुपर्ने बाध्यता छ ।
सर्लाहीका पालिकाहरूले चुनाव केन्द्रित गरेर आगामी आर्थिक वर्षका लागि धमाधम बजेट ल्याउन थालेका छन् । आर्थिक वर्ष २०७८/७९ हालका जनप्रतिनिधिको अन्तिम कार्यकाल रहेकाले उनीहरूले चुनावलाई केन्द्रित गरेर बजेट ल्याएका हुन् ।
सर्लाहीको लालबन्दी नगरपालिका–१ स्थित लखन्देही खोलामा अवैध उत्खननका कारण आएको बाढीले वन क्षेत्र कटान गरेको छ । एक साताअघि लखन्देही खोलामा आएको बाढीले लालबन्दी–१ नवलपुरस्थित नन्देश्वर सामुदायिक वनको झन्डै २.५ हेक्टर क्षेत्र कटान गरेको हो । वनमा लगाइएको झन्डै १० हजार बिरुवा बगाएर लगेको छ ।
