आगलागीमा करिब ३० लाखको क्षति
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
सिरहा — सिरहाको सुखिपुर नगरपालिका–३ का रामउदगार यादवको घर र किराना पसलमा विद्युत् सर्ट भई आगलागी हुँदा धनमाल जलेर नष्ट भएको छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![आगलागीमा करिब ३० लाखको क्षति](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/siraha-ago-1152023063554-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
घर तथा किराना पसलमा बुधबार राति विद्युत् सर्ट भई आगलागी हुँदा करिब ३० लाख रुपैयाँ मूल्यबराबरको धनमाल जलेर नष्ट भएको प्रहरीको प्रारम्भिक अनुमान छ ।
छिमेकी रामजनम यादवले पानी तान्ने मोटर चलाइरहेको बेला विद्युत् सर्ट भएर आगो लागेको हुनसक्ने प्रहरीको अनुमान छ । आगलागीका कारण घरमा रहेको अन्नपात, किराना पसलका सामान, लत्ताकपडा, सुनका गहना र नगदसहित करिब ३० लाख मूल्यबराबरको क्षति भएको जिल्ला प्रहरी कार्यालय सिरहाका सूचना अधिकारी डीएसपी रवीन्द्रराज पाण्डेले जानकारी दिए ।
गोलबजार नगरपालिकाको वारुणयन्त्र, नेपाल प्रहरी, सशस्त्र प्रहरी र स्थानीयको सहयोगमा आगो नियन्त्रणमा लिएको थियो ।
![](https://assets-cdn.ekantipur.com/uploads/source/ads/900-x-100-1-0282024055738.gif)