२५.१२°C काठमाडौं
काठमाडौंमा वायुको गुणस्तर: १५४

जनकपुरमा मनाइयो रामनवमी

श्यामसुन्दर शशि

जनकपुर — चैत्र शुक्लपक्ष नवमीको दिन पारम्परागत रुपले मनाइदै आएको रामनवमी जनकपुरमा धूमधामका साथ मनाइएको छ । रामनवमीको अवसरमा गाउँ–गाउँबाट बाजा–गाजासहित आएका श्रद्धालुहरूले शोभायात्रासमेत निकालेका थिए । 

रामनवमीको अवसरमा राम र जानकी मन्दिरमा दिनभरि विशेष कार्यक्रमको आयोजना गरिएको थियो । बिहान विशेष आरती गरिएको थियो भने मध्याह्नमा हर्ष बढाइँ गर्दै श्रद्धालुहरूले बधैया गाएका थिए । साँझमा पनि विशेष आरती गरिएको थियो ।

राम–सीताको दर्शन गर्न हजारौं श्रद्धालु मन्दिर परिसरमा भेला भएका थिए । केहि श्रद्धालु भने तीन दिन लगाएर नौमी दण्डवत् गर्दै मन्दिर परिसरसम्म आएका थिए । मनौती मानेकाहरू घरदेखि मन्दिर परिसरसम्म माटोलाई ढोग्दै आउने गर्छन् । जसलाई नवमी दण्डवत् भनिन्छ । रामनवमीको अवसरमा ग्रामीण क्षेत्रका मठ मन्दिरहरूमा पनि विशेष पूजाअर्चनाको आयोजन गरिएको थियो ।

राममन्दिरमा भेला भएका नेपाल र भारतका साधु सन्तहरूका लागि सामूहिक भोजनको समेत आयोजना गरिएको थियो ।

प्रकाशित : चैत्र १६, २०७९ १८:१८
प्रतिक्रिया
पठाउनुहोस्
जनताको राय

पार्टी स्थापनाकालदेखि निरन्तर अध्यक्ष रहेका जसपा नेपालका उपेन्द्र यादव महाधिवेशनबाट फेरि आफैं नेतृत्वमा आएका छन् । पटक-पटक एउटै व्यक्ति नेतृत्वमा रहिरहनुलाई के भन्नुहुन्छ ?