प्रदेश–२ का आठवटै जिल्लामा निर्धारित तालिका अनुसार शुक्रबार वडा अधिवेशन भएन । कांग्रेस धनुषाका सभापति महेशशंकर गिरीले क्रियाशील सदस्यता सम्बन्धी विवादका कारण हाललाई अधिवेशनको कार्यक्रम स्थगित गरिएको जानकारी दिए ।
धनुषा विदेह नगरपालिकाका प्रमुख बेचन दासले कार्यकक्षमै कार्यालय सहयोगीसित शरीर मालिस गराएको तस्बिरले चर्चा पायो । धेरैले नगर प्रमुख दासको व्यवहारको आलोचना गरे । कार्यालय सहयोगीमा भतिजालाई नै नियुक्त गरेका दासले उक्त दिन कोरोना भाइरसविरुद्धको खोप लगाएको र आलश्य लागेकाले शरीर मालिस गर्न लगाएको स्वीकारे ।
जयनगर–जनकपुर–कुर्था रेल सेवा कहिलेदेखि सञ्चालन हुन्छ, टुंगो छैन । तर नेपाल रेलवे कम्पनीका महाप्रबन्धक गुरुप्रसाद भट्टराईको तोक आदेशमा भर्ना भएका दुई सयभन्दा बढी कर्मचारीलाई तलब भत्ताका लागि करिब ३५ लाख रुपैयाँ भुक्तानी दिइसकेको पाइएको छ ।
निर्माणाधीन पक्की घरको खुला कोठामा मंगलबार ६ वर्षीया सकिता मण्डल नेपाली विषय अभ्यास गर्दै थिइन् । सँगै थिए, १० वर्षीय अन्दारुल राइन । एउटै कक्षाकोठामा भुइँमा पलेटी कसेर अरू चार बालबालिका पनि अभ्यास गर्न व्यस्त थिए ।
धनुषाको जनकल्याण सहकारी संस्था सबैला नगरपालिका–११ इनर्वाका सञ्चालक मनमोहन यादवले शुक्रबार एक सय बोरा युरिया र ३० बोरा डीएपी मल किन्न जनकपुरस्थित कृषि सामग्री लिमिटेडमा नगदी रसिद कटाए । तर आइतबार अपराह्नसम्म उनको मल बोक्ने संस्थाको ट्र्याक्टर कृषि सामग्री परिसरमै थियो ।
वरिष्ठ रंगकर्मी तथा मिथिला नाट्यकला परिषद्का पूर्वअध्यक्ष सुनिल मिश्र तथा परम्परागत संगीत विधाका वरिष्ठ स्रष्टा वंशीबाबा भनिने वंशीधर मण्डल नेपाल संगीत तथा नाट्य प्रज्ञा प्रतिष्ठानद्वारा पुरस्कृत भएका छन् ।
कोरोना संक्रमितको संख्या ओरालो लाग्न थालेका बेला असार ३ गते जनकपुरमा कोभिड विशेष अस्पतालको उद्घाटन भयो । मुख्यमन्त्री लालबाबु राउतले भव्य समारोहबीच अस्पताल सञ्चालनमा आएको घोषणा गरे । तर निर्माणकै क्रममा रहेकाले स्वास्थ्य सेवा सञ्चालन अझै अनिश्चित छ ।
चालु आर्थिक वर्ष सकिनै लागे पनि प्रदेश २ सरकारले थोरै मात्र विकास बजेट खर्च गरेको छ । प्रदेश सरकारले ११ महिनामा ३१ दशमलव ४७ प्रतिशत मात्र विकास बजेट खर्च गरेको हो ।
नियुक्त भएयता संघीय सरकारका चार मन्त्री गृहजिल्लामा स्वागत–सम्मान समारोहमा सरिक भएका छन् । बाक्लै भीडभाड गरेर मन्त्री सहर–गाउँ डुलेर सम्मान थापिरहेका छन् ।
