२१.१२°C काठमाडौं
भर्याङ भत्किँदा पर्सामा मजदुरको मृत्यु
पर्सा — निर्माणाधीन सिमेन्टको भर्याङ भत्किँदा पर्सामा शुक्रबार एक मजदुरको मृत्यु भएको छ । अर्का एक घाइते भएका छन् ।
बहुदरमाई नगरपालिका-५ भौराटार बस्ने २१ वर्षीय राजा मण्डलको मृत्यु भएको हो । सोही ठाउँका ३५ वर्षीय अमर महतो घाइते छन् । घाइतेको वीरगन्ज नारायणी अस्पतालमा उपचार भइरहेको पर्सा प्रहरीले जनाएको छ ।
बहुदरमाई नगरपालिका-४ तिलावे खोलाको छेउमा छठघाटमा भर्याङको सिँढी तयार गर्न गरिएको ढलानको टेको निकाल्दा अचानक भत्किएर दुई मजदुरलाई थिचेको थियो ।
प्रकाशित : पुस २२, २०७९ २२:३७प्रतिक्रिया
