मकालुमा बाढी र पहिरोले २४ घर विस्थापित

एकसाता सम्म लगातार परेको वर्षापछि गुहे खोल्छामा आएको बाढी र पहिरोले २४ घरपरिवार उच्च जोखिममा परेको प्रमुख जिल्ला अधिकारी ध्रुवबहादुर खड्काले बताए ।

उच्च जोखिममा परेका ती परिवारलाई आफन्तको घरमा सुरक्षित रुपले सारिएको उनले बताए । बाढी पहिरोले मानवीय क्षति भने भएको छैन । क्षतिको विवरण संकलनको काम भइरहेको प्रजिअ खड्काले बताए ।

उनका अनुसार खोल्छाको बाढीले सडक समेत बगाएको छ । त्यस्तै, भोटखोला गाउँपालिका-४ मा पर्ने लामा बगर माथिबाट आएको पहिरोले करिव ३० मिटर सडक बगेको छ ।

सोही स्थानमा रहेको खाल्डे खोला माथिबाट आएको पहिरोले ३५ मिटर सडक पुरेको उनले बताए ।