प्रजातान्त्रिक योद्धा पीएन शर्माको निधन
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
बिर्तामोड — प्रजातान्त्रिक योद्धा तथा नेपाली कांग्रेसका पुराना नेता पूर्णानन्द दाहाल (पीएन शर्मा)को निधन भएको छ ।झापा कमल गाउँपालिका–५ लखनपुर निवासी ८८ वर्षीय दाहालको उपचारका क्रममा बिर्तामोडस्थित बिर्ता सिटी अस्पतालमा सोमबार अपरान्ह साढे ४ बजे निधन भएको हो ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![प्रजातान्त्रिक योद्धा पीएन शर्माको निधन](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/pn-sharma-27112023025926-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
कांग्रेस झापाका पूर्व सभापतिसमेत रहेका दाहाल त्यागी नेताका रुपमा चिनिन्थे । प्रजातान्त्रिक आन्दोलनमा लागेकै कारण दाहालले विभिन्न कालखण्डमा ५ वर्ष जेल, ३ वर्ष निर्वासन, पटकपटक एरियाबन्दी, अञ्चल निस्कासन, राजकाज सम्बन्धी मुद्दामा सजाय भोगेका थिए ।
दाहालले ६ दशकसम्मका शैक्षिक तथा राजनीतिक जीवनका अन्तरवस्तुहरु समेटेर ‘त्यागको परिणाम’ नामक् पुस्तक प्रकाशन गरेका छन् । शारीरिक रुपमा असक्त भएपनि मुलुकको प्रजातान्त्रिक आन्दोलनमा दाहालको भूमिका अतुलनिय रहेको कांग्रेस झापा सचिव कृष्ण हुमागाईंले बताए ।
दाहाल एक वर्ष यता अवस्थ्य थिए । उनी फोक्सो लगायतको समस्याबाट पीडित थिए । प्रजातान्त्रिक योद्धा भएकाले बिर्ता सिटी अस्पतालले केही वर्ष यतादेखि उनको निःशुल्क उपचार सेवा प्रदान गर्दै आएको थियो । दाहालको मंगलबार बिहान ११ बजे जिल्लास्थित कनकाई घाटमा अन्त्येष्टि गरिने हुमागाईले जानकारी दिए ।
![](https://assets-cdn.ekantipur.com/uploads/source/ads/900-x-100-1-0282024055738.gif)